ايه السؤال ده المفروض اجاوب اقول ايه

دي حاجه تسعدني ❤️❤️

خير ما عملتوا .. تأكدي ان ده أحسنلك

في رأي المتواضع في المواضيع الي من النوع ده انها مش بتتحسب كده ، بتتحسب هل كل طرف شايف التاني زي ما التاني شايفه و هل الظروف و التوقيت بيسمحوا بده و مدي شفافيه كل طرف .. لكن الاكيد ان مفيش حد محسبهاش هيمرر ده و يتعامل معاه عادي الا لو بيملي فراغ جواه او ببحب يجرب يمكن تظبط و غالبا مش هتظبط

تسلمي ❤️❤️

لا هي مش كده خالص ، الراجل الي علاقته حلوه بأمه ده بيخليه يدور عليها في شريكته لان بتفاصيلها و شخصيتها هيبقي سهل يتعامل معاها و سهل تتعامل معاه و سهل يفهموا بعض لانه اتعود خلاص علي شكل حياته مع امه ف بيحاول يلاقي نسخه اقرب لأمه ، الفكره انه لازم يكون فاهم ان مفيش حد شبه حد و مفيش واحده هتحبه حب غير مشروط زي امه فلو هو مستني منك تبقي نسخه كامله من امه اعتقد هتلاقوا صعوبه شويه في الاول لحد ما يستوعب انه مش بيفصلك علي مقاسه و ان عادي تطبعوا بطبع بعض و توصلوا لنقطه ترضيكوا انتوا الاتنين ، لكن لو قصده بكلامه عن امه انك تستوعبيه و تستوعبي افكاره و شكل حياته و طباعه ف ده عادي يعني هو كده بيقولك تتعاملي معاه ازاي بس بشكل مش مباشر ...

اولا انت مش محتاج تثبت اي حاجه لاي حد عموما غير نفسك ، اي حاجه عايز تغيرها
لازم تكون انت الي مقتنع ان ده الصح ، ممكن في اوقات تستخدم الناس كدوافع فرعيه ، لكن محدش يستاهل انه يكون دافع اساسي لحاجه عايز تغيرها في نفسك لمجرد انك تريحه هو انت مش فازه في حياه حد ، ده بالنسبه ليك انت .
اما بالنسبه للشخص كل واحد لازم يقبل الشخص الي في حياته زي ما هو بعيوبه ، محاوله تغير طبع شخص هو فرضيه ضعيفه جدا لو نجحت علي المدي القصير مش هتنجح علي المدي البعيد ..

بشوف ان الحدوته طول ما هي مخرجتش بره طريفين العلاقه ده بيديها مساحه اكبر انها تعيش ، فكره الاطراف الكتير دي بتخلق اسباب لفشل العلاقه من لا شيء و هنا بتكلم عن التواصل المجتمعي ما بالك بقي بالانترنت .. انا بفضل ان لحظاتنا الحلوه نعيشها سوا و نتبسط بيها و نوثقها لكن مانشاركهاش مع اي حد مهما كان لانها تخصنا احنا بس .. نشرها مش هيفيدنا في شيء

مش دي الفكره في بنات شاطره جدا في مجالات كتير و اشطر من رجاله كتير
بس يمكن اشطر ناس في اي مجال بيبقوا رجاله ده راجع لكم المسئوليه الي بتبقي علي الراجل لانه بيبقي مسئول عن اسره كامله ده بيخلق عنده حوافز تخليه يحافظ دايما علي مكانه مهما كان المجهود علي عكس البنت بتبقي غالبا مسئوله عن نفسها ، و موضوع ان الراجل بطبيعه تكوينه عنده ثبات انفعالي اكتر من البنت ف ده بيخليه يتحمل ضغوط كتير بتوصله لنقط بعيده في مجاله .. هو عموما انا مقتنع ان الشطاره بتبقي بالمجهود مهما كنت موهوب و بردو المجهود مقترن بالكيف مش الكم و ده تحديدا في رأي الي بيفرق من شخص لشخص سواء ولد او بنت ...