اه طبعا بس في حاله واحده ، لو ده قرار من جواه انه يتخلص من كل الماضي بكل تفاصيله حلو و وحش ، و يبني في نفسه شخصيه جديده و يختار الاختيارات الصح في حياته علي مستوي كل شيء ، مش بقول ده سهل بس ده السبيل الوحيد ، بس اهم حاجه انه يقرر ده من جواه و يصدق نفسه و يعيش للهدف ده . .

اي علاقه عشان تنجح محتاجه مجهود من الطرفين و كل طرف فيهم يعبر عن حبه للتاني باللغه الي التاني بيفضلها و بتشبع عاطفته او احتياجاته ، اعتقد اي راجل او بنت محتاجين يكونوا مرتاحين في علاقتهم بس ، و ده تحديدا محتاج من الراجل يكون متفهم البنت و محتاج من البنت انها تكون واضحه . .

في رأي المتواضع في المواضيع الي من النوع ده انها مش بتتحسب كده ، بتتحسب هل كل طرف شايف التاني زي ما التاني شايفه و هل الظروف و التوقيت بيسمحوا بده و مدي شفافيه كل طرف .. لكن الاكيد ان مفيش حد محسبهاش هيمرر ده و يتعامل معاه عادي الا لو بيملي فراغ جواه او ببحب يجرب يمكن تظبط و غالبا مش هتظبط

انا ملاحظ كده برضو .. تفتكر انت ليه ؟

السؤال ده بيتكرر ليه بجد 😂

نفس المعطيات مش هتوديك غير لنفس النتايج ، لو معرفتش سبب الخلاف و اشتغلتوا عليه سوا هيتكرر نفس السيناريو و يمكن أسوأ ..

اولا انت مش محتاج تثبت اي حاجه لاي حد عموما غير نفسك ، اي حاجه عايز تغيرها
لازم تكون انت الي مقتنع ان ده الصح ، ممكن في اوقات تستخدم الناس كدوافع فرعيه ، لكن محدش يستاهل انه يكون دافع اساسي لحاجه عايز تغيرها في نفسك لمجرد انك تريحه هو انت مش فازه في حياه حد ، ده بالنسبه ليك انت .
اما بالنسبه للشخص كل واحد لازم يقبل الشخص الي في حياته زي ما هو بعيوبه ، محاوله تغير طبع شخص هو فرضيه ضعيفه جدا لو نجحت علي المدي القصير مش هتنجح علي المدي البعيد ..

كان فيه واحد اتقفل و رجع اتفتح .. لو عايز التاني اتفضله ميغلاش غليك

دي حاجه تسعدني ❤️❤️