لو سابك عشان مش قادر ينسي حبه القديم و انتي متأكده من انه حبك فعلا ده معناه انه مشافكيش انتي لا هو حاول يعيد إحياء قصته القديمه فيكي ، و بالتالي هو محبكيش انتي هو حب الحاجات المشتركه بينك و بين حبه القديم او كان بينسي الماضي بيكي ، غلطتك كانت في التوقيت انتي اخترتي تداوي جروح مش انتي السبب فيها و وجودك في التوقيت ده اه يمكن وقفه علي رجله و رجعله ثقته في نفسه بس المشكله ان وجودك بس في حياته بقي بيفكره بيها .. فكره انه صارح نفسه و بعد عنك حاجه تحسبله بدل ما يضيع وقتك و وقته .. الفكره انه اتعري قدامك و شوفتي لحظات ضعفه و دي في حد ذاتها مشكله كبيره في عين اي راجل حر .. معتقدش ان العلاقه دي كان ينفع تستمر بس يمكن البعد فتره يخليكم تتعرفوا علي بعض بشكل جديد ينسيه المسار الي اخدته علاقتكم القديمه و يبدأ يشوفك بشكل تاني ..