كتاب العلمانية للمسيري .. كتاب الحداثة والهوية الثقافية لبرهان غليون
فيه مجتمع الفرجة بتاع ديبور فيه الإنسان ذو البعد الواحد لماركوزة فيه روح الحداثة لطه عبد الرحمن

بس كلها بتتكلم عن الحداثة بإطلاق مش بخصوصية الحاجات اللي طلبتها

لو هرشح حاجات أعتقد إنها تجيب طلبك كما هو فهرشح 3 كتب وفيديوهين

الفرار من الحرية - إيريك فروم
الحداثة السائلة - زيجمونت باومان (ومجموعة السوائل كلها كويسة)
التخلف الاجتماعي: سيكولوجية الإنسان المقهور - مصطفى حجازي

دول أهم 3 نصوص مركزية في الموضوع في رأيي .. أهم حتى من كتب المسيري
لأن الاول بيتناول ميلاد فكرة الذات الرأسمالية والاغتراب عنها اللي انت عاوزه
والتاني مفهوم طبعًا أهميته في فهم تأثير السيولة والاستهلاك على الناس
والتالت مهم في السيكوسياسة والاعتلال الاجتماعي

---

فيه وثائقي على بي بي سي اسمه the century of self
شفت أول حلقة منه كان لطيف قوي في الموضوع ده
وبالتأكيد محاضرة المسيري على يوتيوب اللي اسمها التيارات الفكرية المعاصرة لطيفة