Anonymous Coward · 8mo
السلام عليكم
عايزه اخد رايك في نقطة مهمه..
انا حاليا في علاقه مع شخص، مشكلة الشخص دا انه عنده حب قديم بس عظيم بمعنى الكلمه كان بيحبها بطريقة غريبة كل حاجه في حياته كانت مرتبطه بيها كان بيكتب فيها كلام كتير هو شاعر وكل حروفه في الغالب كانت ليها.
علاقتهم دامت سنه وانفصلوا لاسباب معينه كان متوهم انه هو السبب ولحد فتره مش بعيده كان بيتغنى بحبها بكل فخر لحد ما اكتشف انها كانت بتخونه وفهمته انه كان السبب ف انفصالهم في الاثناء دي انا ظهرت في حياته او اتعرفت عليه اثناء ما كان لسه اصلا بيكتبلها وبيحبها لسه ف بعد ما اكتشف كل دا جالي وقالي انه خلاص وانا بصراحه كنت معجبة بيه جدا حرفيا كان على مقاس قلبي في كل تفصيله فيه اكتشفت دا لاننا حكينا اكتر من مره بعدها بقا بدات علاقتنا هو كان حاسس بحبي اللي تطور بسرعه غريبه حبيته اوي بمعنى الكلمه وهو حبني بس انا عارفه ومتاكده انه مش زيها احيانا بنحكي عنها وبتجي سيرتها في الكلام هو موضحلي كل حاجه عموما عنهم وانا عارفه انه لسه تاثيرها موجود انا تقلبت دا بس بيوجعني، انا مش بحكي معاه في الموضوع دا لاني وعدته اني هكون ملجأه ومكانه الهادي وحرفيا انا معاه كدا وهو مش مقصر معايا على فكره بس انا قلبي بيوجعني من فكره انها لسه موجوده في حياته مش قادره الومه لانه دا كان اختياري بس ف نفس الوقت مش عارفه اتجاهل احساسي ووجعي منه.
عايز اكون واضح معاكي مش بيمحي مشكله غير مشكله اكبر منها او علي نفس المستوي ساعتها بتهون في عينك المشكله القديمه .. هو مشكلته نوعا ما صعبه بدأت باحساس بالذنب و انتهت علي احساس انه مش كافي و اختارت غيره .. لو هو شخص عملي هيتجاوز ده .. ممكن ياخد وقت بس في الاخر هيتجاوزه .. لكنه لو شخص عاطفي هيفضل للاسف كده يفتكر و يتضايق و يشك في نفسه لحد ما تيجي مشكله في حياته تخليه يغير اولوياته و نظرته للموضوع .. و علشان اكون صريح معاكي اكتر رغم اني معرفش تفاصيل علاقتكم ايه بس علي حسب ما فهمت وجودك هو الحاجه الي ساند بيها نفسه و انه لسه مرغوب فيه او بيسد فراغه العاطفي او بيهرب من افكاره و التروما الي جاتله .. معرفش ممكن يحصل ايه قدام و معرفش شخصيته بس ممكن تبقي انتي الشخص الي بيدين ليه بالفضل في وقوفه علي رجله و ممكن تبقي الشخص الي بيفكره بفتره هروبه من افكاره و التروما .. لو انتي شايفه انه فعلا شايفك زي ما انتي شيفاه و بتتبادلوا نفس المشاعر .. متحطيش نفسك في مقارنه معاها لاي سبب لان ده هينهي العلاقه لانك هتفضلي طول الوقت في شك .. و نصيحه مني لو انتوا مؤهلين لانكوا تاخدوا خطوه جد في علاقتكم و مرتاحين لبعض .. اعملوا كده لان ده هيخلق دوافع عنده انه يتخلص من اي شعور سلبي حاسه بسبب الماضي و هيثبتلك اكتر انه بيبادلك نفس الشعور .. لكن لو فضلتوا في ال zone فتره طويله و مش قادرين تاخدوا خطوه ف انتوا بتضيعوا وقت و بترمي مشاعرك و عمرك علي الارض
