السؤال أصلًا غلط. مينفعش تسألي عن علاج عن حاجات مش عاجباكِ في شكلك. طول ما أنتِ شايفاها مشكلة محتاجة علاج عمرك ما هتتخطي النقطة اللعينة دي أبدًا. أنتِ فاكرة الناس الي عندهم جمال وخفة دم دول معندهمش حاجات مش بيحبوها في نفسهم؟ عندهم حاجات بيكرهوها في نفسهم زيك بالظبط وأقولك عالكبيرة؟ الحاجات دي ممكن تكون حاجات أنتِ شايفاها جميلة فيهم وكذلك هم بيحبوا حاجات أنتِ مبتحبيهاش في نفسك. أنتِ مش بتحبيها عشان أنتِ مش التايب بتاعك مش عشان هي حاجات متتحبش فالسؤال الصح ازاي تتعلمي تحبي نفسك حتى وأنتِ مش التايب بتاعك وده سؤال معرفش إجابته بصراحة أنا بس عايزة أقولك إنك قمورة وعسولة ودمك خفيف كدة كدة حتى لو أنتِ مش شايفة ده دلوقتي.